Grupo Adam Foods
Adam Foods é un grupo de empresas de alimentación con máis de 100 anos de historia. Todas as nosas empresas son autónomas, pero están interconectadas e comparten os mesmos valores, unha misión e visión únicas e un propósito enorme: que todos gocemos grazas á nosa paixón pola alimentación sostible! Cociñamos e comercializamos galletas, caldos, patés, pastelería, mel e pan. En todos os nosos produtos e marcas, seguimos tres principios fundamentais que nos caracterizan e definen:
Cociñamos con ingredientes de calidade
Conseguimos os mellores sabores, aromas e texturas, que fan que goces ao máximo das comidas. Un bo perfil nutricional: unha coidada selección dos ingredientes permítenos optimizar o perfil nutricional dos produtos.
Cociñamos coas nosas propias receitas
Levamos máis de 100 anos cociñando moitos dos nosos produtos de xeito ininterrompido. Cremos firmemente que as tradicións de hoxe son as innovacións de onte, e que as innovacións que agora xeremos serán tradicións no futuro.
Compartimos mesa contigo
Queremos que os teus fillos almorcen desenvolvendo a súa imaxinación; queremos que merenden aprendendo inglés; queremos ofrecerche opcións que che axuden a coidarte; queremos adozar un arrefriado; queremos optimizar a calor dun prato de sopa...
Misión
A misión das empresas que forman o grupo Adam Foods é ofrecer á sociedade alimentos saborosos e nutritivos, sempre dun xeito o máis sostible posible para o negocio e o medio ambiente.
É habitual dicir que «comer é un dos grandes praceres da vida», que «estar ben empeza no comer» e que «somos o que comemos». Estas tres cousas son verdade, pero a veces resultan difíciles de compaxinar. En Adam Foods ofrecemos os alimentos máis pracenteiros, cun equilibrio nutricional óptimo, para que todos poidamos gozar compaxinando pracer e nutrición.
Visión
A nosa visión é contribuír cos nosos produtos de alimentación ao gozo da xente de todo o mundo.
Queremos que os nosos consumidores e clientes gocen da alimentación tanto como nós mesmos. Queremos que chegue o día no que sexamos máis felices co que comemos porque gozar contribúe ao noso equilibrio e facelo de xeito sostible co negocio e o medio ambiente, aínda máis.
Valores
As empresas do grupo Adam Foods son todas familiares, o que nos define absolutamente.
O noso máximo valor é a familiaridade. Cremos no traballo en equipo, a solidariedade, a capacidade de comprensión, a inclusión, o espírito emprendedor, o liderado compartido e o activismo responsable. Sentímonos responsables, apaixonados e ilusionados. Sabemos que podemos mellorar, xa que somos críticos e perfeccionistas por igual. E como meta final aspiramos á continuidade: seguir sendo o que sempre fomos sen deixar de captar o que mañá nos fará mellores. Tradición e innovación. Analóxicos e dixitais. A continuidade hai que gañala cada día.
Propósito
O noso propósito é que todos gocemos grazas á nosa paixón pola alimentación sostible.
O noso ámbito de actuación é a alimentación, pero, como acontece con calquera actividade, esta non é unha realidade illada, senón que afecta a nosa vida e a de todo o noso contorno. É por iso que sempre nos esforzamos por estender a nosa responsabilidade un pouco máis lonxe do requirido, para así conseguir que os nosos actos tamén contribúan a unha sociedade mellor e a un medio ambiente máis sostible.
Ven cociñar o teu futuro connosco!
A nosa cociña: ingredientes de calidade, receitas propias e gozar compartindo.
Súmaste á familia Adam Foods?
