As nosas cociñas
Somos un grupo de empresas españolas e portuguesas con vocación internacional. As nosas cociñas (oito centros de produción) están situadas na Península Ibérica (España e Portugal), dende onde exportamos a máis de cincuenta países de todo o mundo.
A fábrica de Aneto está situada en Artés (Barcelona). Inaugurouse hai 40 anos e ao comezo dedicábase á elaboración de xamóns e embutidos curados, polo que acadou un grande prestixio. Actualmente elabora un caldo natural idéntico ao que faría un mesmo na casa. Polo tanto, ofrece ao mercado español un caldo elaborado como sempre se fixo, con ingredientes 100 % naturais que se deixan cocer nunha ola a lume lento durante tres horas. A única diferencia é o tamaño da ola, xa que o proceso de elaboración é o mesmo.
A fábrica de Manlleu está especializada na elaboración de patés e produtos untables para o pan. Inaugurouse en xuño de 2003 e posiblemente sexa un dos principais centros produtivos a nivel mundial deste tipo de produtos.
Está situada na localidade de Riudarenes, Girona, e inaugurouse en 1972, onde comezou o seu longo percorrido na elaboración de produtos de pastelería e mel de Granja San Francisco Dende entón non deixou de traballar e mellorar para seguir ilusionando os milleiros de familias que consumen os seus produtos cada día.
A planta de Villarejo de Salvanés (Madrid) inaugurouna en 1968 Juan Gómez Cuétara; naquel momento era a fábrica de galletas máis importante de España. Nesas instalacións elabóranse produtos emblemáticos da marca Cuétara. É un recinto que acolle un centro de produción innovador, pero que mantivo ao longo dos anos un forte sentimento de tradición galleteira.
O complexo industrial de Reinosa atópase en Cantabria, na comarca de Campoo-Los Valles. Inaugurouse en 1951 e converteuse na primeira fábrica de galletas Cuétara, unha das primeiras do seu tipo en España. Tras anos de excelente traballo, xunta a tradición, a experiencia e as habilidades dos mestres galleteiros de Cuétara de toda a vida.
O centro produtivo de Artiach de Orozko inaugurouse en 1984. Substituíu a antiga fábrica de Bilbao, de Ribera de Deusto, que tivo que pechar en 1983 debido a que unha das inundacións máis dramáticas da historia de Bilbao estragou todas as instalacións. Dende entón, é a fábrica principal do grupo, onde se producen as marcas máis emblemáticas de Artiach.
A planta de Gulpilhares está ao norte de Portugal, concretamente na vila de Gulpilhares (Vila Nova de Gaia), a aproximadamente 13 km da cidade de Oporto. Os terreos desta planta adquiriunos Panrico en 1990 e dende entón adícanse á produción de pan de molde da marca Panrico.
Atópase a metade de camiño entre Lisboa e Oporto, na localidade de Pombal. Inaugurouse en 1973. É unha fábrica na que se elaboran galletas de xeito tradicional, seguindo unha técnica de moitos anos, aínda que tamén se trata dunha planta moi competitiva en termos de flexibilidade e calidade dos produtos. Centra a súa produción na gama de galletas Cuétara.
